你們未走完的路 由我們延續下去
一條又一條生命嘅隕落
佢地嘅人生本來有著無限嘅可能
佢地本應可以享受住平庸嘅快樂
可能係上網F5連彈爭奪平機票
可能係影d娘到核爆嘅boarding gate出發相
可能係上機笑下空姐唔夠靚空少唔夠man
可能係行李帶大大聲講廣東話震懾各地遊客
可能係旅程第一日已經鬧交
可能係歐洲作下狀食afternoon tea
可能係東南亞瘋狂Eat Sleep Massage Reproduce
可能係北美影下雪景再寫段懶係感性嘅英文caption
可能係放攤哂d戰利品係張床度曬馬
可能係機場最後衝刺搞到遲上機兼冇位放行李
可能係返到香港先識得懷念旅程嘅美好
可惜呢d垂手可得嘅可能
已經通通變成遙不可及嘅不可能
請大家記住呢份惋惜
記住呢份悲哀
記住呢份憤怒
下次覺得會畀公司炒好可怕
覺得食TG被拘捕代價太高
覺得拖得太耐好攰好想放棄
請大家記住
香港有好多人為呢場革命付出左生命
Search